تجربتي مع بروتين الشعر

معالج الشعر

انا سمعت مرة عن بروتين وكيف فيه ناس تسب وفيه ناس تمدح فيه 

فقررت اسويه في البيت عشان ابي اتحكم بحرارة ولا ابي اقربه من جذور شعري مرة 

طلبت بروتين برازلي من النت ب 300 ريال 

يجي مع 3 اشياء :

1-شامبو منقي يغسل الشعر كويس ويشل اي ترسبات بشعر 

2-بروتين للشعر 

3-بلسم الشعر 

غسلت شعري وبعدها حطيت بروتين لمدة اقصر من الي اهم ذاكرينها 20 دقيقة ..وطبقت عليه حرارة كل شعرة ثلاث مرارت حتى لو م صارت سيدة مرة عادي اهم شي م يعدم شعري وبعدت عن الجذور ب 2 سم ..

غسلت شعري وحطيت البسلم ..شعري صار ناعم واقدر استشورة بسرعه م يتساقط مرت 4 شهور وراح البروتين من شعري ولا خرب شعري سويته مرة ثانيه بنفس الخطوات وعطاني نتيجه بس اقل جودة من المرة الي راحت (يمكن لاني م اهتميت بشعري بفترة الي راح منها المعالج فصار اضعف )

الغلط الي سويته في المرة الثانيه حطيت بخاخ تفتيح الشعر واستخدمت حنا 

طاح شعري بعد الحناء كثير 

ف تجربتي مع البرتوين :

حلوة مو سيئة بس اهم شي الي تبي تسوي صبغه او حنا او اي شي تسويه قبل البروتين بشهر وبعدها تستخدم زيوت الين م يجي وقت البروتين واحسن شي تسويه في البيت عشان تبعد عن الجذور ولا تعدم الشعر بتكرار الحرارة 

افضل شي يسوى في السنه مرتين 

ان بدا يروح البروتين من الشعر تستخدمين زيوت وكريمات الين تمر 6 شهور وبعدين تسوين بروتين مرة ثانيه 

وبعد تستخدمين اولا بلكسن عشان يقوي الشعرة وتقصين الاطراف نبي شعر صحي قوي يتحمل المعالج 

وبس :)